Prestatu Salto15K Emakumeok Mugimenduan doako entrenamenduekin. Aupa Neskak!

Gipuzkoako Foru Aldundiko kirol departamentuko Emakumeok Mugimenduan jarduera programaren eskutik, hirugarren urtez jarraian jarraipena emango diegu Susana Ruiz atleta eta entrenatzaile gipuzkoarrak Donostiako SALTO 15K klasikoari zuzendutako prestaketa entrenamenduei.

Azken bi edizioen artean, 500 emakumek baino gehiagok parte hartu zuten antolatutako entrenamenduetan, eta batez beste 40 emakume baino gehiagoko talde egonkorra izan zuten entrenamendu bakoitzean. Susana Ruizen 4 hilabeteko entrenamenduari amaiera emateko, programa honetako 32 emakumek dortsala janzteko gonbidapena jaso zuten aurreko edizioan, eta 15 edo 5 kilometroko ibilbidea osatu zuten, batzuk lehen aldiz.

Emakumezkoen kirol jarduera areagotzeko asmoz, SALTO 15K Klasikoak bat egiten du Gipuzkoako Foru Aldundiko Kirol Departamentuak (Emakumeak eta Aktiboak) sustatutako ekimen programarekin, eta entrenamendu talde batek zure marka hobetzera, zure erronkak gainditzera, dortsal bat lehen aldiz jartzera eta Anoetako Miniestadioaren helmuga zeharkatzen laguntzera eramango zaitu.

Eman izena orain doan urriaren 26an egingo den proba prestatzeko hilero egingo ditugun entrenamenduetan. Programan parte hartzen dutenek, Susana Ruiz entrenatzailearen entrenamendu planaz eta aholkuez gozatzeaz gain, beste opari batzuen artean, SALTO 15K Donostiako Klasikoan parte hartzeko doako dortsal bat* izango dute.

Maiatzean eta ekainean Donostian (Anoetako Mini Estadioan) egingo ditugun lehen entrenamenduetarako izen emateak zabalik daude jada.

Topalekua Anoetako Belodromoko ate nagusian izango da. Entrenamendu guztiak ostiraletan izango dira, 19:00etatik aurrera.

Ekainean uztailean egingo ditugun entrenamenduetarako inprimakia irekiko dugu, eta uda ostean gauza bera egingo dugu iraileko eta urriko entrenamenduetarako.

* Doako dortsal pertsonala eta besterenezina, 15 edo 5 Km-ko Running distantzian gutxienez entrenamenduen % 50 egin duten emakumeentzat.