Salto 15K lasterketaren 28. edizioa aurkeztu da: 25 herrialdetako 3.900 parte-hartzaile lehiatuko dira igande honetan

Gaur, urriaren 24a, ostirala, aurkeztu da ofizialki Salto 15K lasterketaren 28. edizioa, probaren babesle nagusia den Salto-ko instalazioetan. Lasterketa igande honetan, urriaren 26an, izango da, eta 25 herrialdetako 3.900 korrikalarik, patinatzailek eta handbikerrek hartuko dute parte.

Aurkezpenean erakunde, babesle, laguntzaile eta kiroleko ordezkariak izan dira: Goizane Álvarez (Kultura, Lankidetza, Gazteria eta Kiroletako foru diputatua), Ramon Goikoetxea (Gipuzkoako Atletismo Federazioko presidentea), Iñigo Olaizola (lasterketako koordinatzaile nagusia), Borja Ganzarain eta Paula Odriozola (Salto), Víctor Barranco (Sabico), Unai Arizmendarrieta (Grupo Carza), Juanra Ruiz (Eroski), Susana Ruiz (entrenatzailea), Mitxel Lakuntza eta Susana Velasco (Atzegi), Ion Galarraga (handbiker) y Nico Alonso (roller).

Argazki ofizialaren ondoren, Borja Ganzarainek enpresari eta Salto Fundazioari buruzko azalpenak eman ditu, eta lantegira egindako bisita gidatu du, lunch txiki batekin amaitu dena.

Probak bi distantzia izango ditu: 15K eta 5K, eta 2024arekin alderatuta, hazkunde nabarmena izanik. Distantzia luzean 3.284 parte-hartzailek eman dute izena (+%31), eta 5Kn 619 txirrindularik (+%20). Modalitateen arabera, 2.981 korrikalari, 269 patinatzaile eta 12 handbiker egongo dira. Espainia, Frantzia, Erresuma Batua, Alemania, Belgika eta Italia dira ordezkaritza handiena duten herrialdeak. Nabarmentzekoa da, halaber, emakumeen parte-hartzeak izan duen gorakada, lehen aldiz 1.600 emakumek baino gehiagok eman baitute izena, aurreko edizioan baino %40 gehiagok.

Ingurumenarekin duen konpromisoari jarraituz, Salto 15K lasterketak bere izaera jasangarria indartuko du ibilgailu elektrikoak, sare publikoko ura edalontzi konpostagarrietan eta ECO zigilua duen kamiseta ofiziala, ehun organiko eta birziklatuekin egina, erabiliz.

Era berean, probak bere alderdi solidarioari eusten dio: aurten, dortsal solidarioak ATZEGIri egingo dio mesede, Adimen Desgaitasuna duten Pertsonen aldeko Gipuzkoako Elkarteari, 65. urteurrena ospatzen baitu. Guztira 6.400 euro jasoko ditu erakundeak, dortsal solidarioaren bidez bildutako 3.900 euroak eta Salto Foundation-en 2.500 euroko ekarpen gehigarria batuta.

Salto 15K erreferentziazko kirol-, gizarte- eta jasangarritasun-ekitaldi gisa finkatu da, parte-hartze handia, kirol-erronkak eta komunitatearekiko eta ingurumenarekiko konpromisoa uztartuz.