16 de octubre de 2022

30 de June de 2022

15K Salto Donostia Klasikoak 25. urteurrena ospatuko du, eta ekainaren 30ean zabalduko da izena emateko epea

  • 25 urte beteko ditu herri-atletismoaren festa handiak, eta mugikortasun urriko korrikalari, roller eta atletak ekarriko ditu, kirola baino harago doan ekitaldi batean.
  • Ibilbide azkarra du Donostia hiriko erdigunean, eta horixe da parte-hartzaileak gehien erakartzen dituzten ezaugarrietako bat.

Datorren urriaren 16an egingo du berriro bat bere publikoarekin Salto 15K Donostia Klasikoak, Donostiako lasterketa enblematiko eta ezagunenetakoak, 25 urte betetzen dituen honetan. Ostegunean, ekainak 30, irekiko da bi hamarkada eta erdi dituen eta urtero mugikortasun urriko korrikalari, roller eta atleta ugari biltzen dituen lasterketa honetan izena emateko epea. Bi distantzia egongo dira aukeran: 15 kilometroko klasikoa, eta 5 kilometroko beste zirkuitu bat, korrikalariek nahiago duten erronka aukera dezaten.

Lasterketaren azkeneko edizioa beste kudeaketa-talde batek antolatu zuen; Donosti Eventos eta RPM SPORTS enpresek zuzentzen dute talde hori. Eta aurten, 25. edizioa izango dela eta, atletismoko egutegiaren hitzordurik garrantzitsuenetakoa den lasterketa hau bultzatzen jarraitu nahi dute antolatzaileek.

Zentzu horretan, zera adierazi du Salto 15K Donostia Klasikoaren zuzendari Iñigo Olaizolak: “ilusio handia dugu edizio berezi honetarako. 25 urte beteko ditu lasterketa solidario eta inklusibo honek, 25 urtez Gipuzkoako gizartea inor alboratzen ez duen kirolaren festa jator honetan batzen duen ekitaldi honek. Espero dugu benetan gozatuko dutela Gipuzkoako atletismoko egutegian benetan Klasiko bihurtu den eta gustu guztietara prestatuta dagoen zirkuitua duen lasterketa honetan parte hartuko duten ‘handbike’, ‘roller’ eta korrikalari guztiek. Homologatutako 5 km-ko edo 15 km-ko zirkuituetan haien marka hobetu nahi duten atleta, ‘roller’ eta ‘handbike’-entzako prestatuta dago ibilbidea, baina baita handik laster jokatuko diren lasterketetarako –Behobia eta Donostiako Zurich Maratoia, esaterako– haien burua proban jartzea edo, ibilbide ikusgarri eta lau batean, edozein modalitatetan lehen urratsak egin nahi dituztenentzako ere”.

Klasiko baten urteurrena

15K Salto Donostia Klasikoa askoren egutegian dago markatuta, urrirako prestigiodun erronka modura. Lasterketa honen 25. urteurrena beteko den honetan, handik egun gutxira Behobia-Donostia lasterketa tradizionalean edo, azaroaren 20an, Donostiako Zurich Maratoian parte hartuko duten korrikalari askok haien egoera fisikoa neurtzeko termometrorik egokiena bihurtu da Klasikoa.

2021eko edizioan, Aitor Etxeberria (47:11) eta Maite Arraiza (55:53) izan ziren irabazleak. Etxeberriak bigarren aldiz jarraian irabazi zuen lasterketa; Arraizak ere bigarren garaipena lortu zuen, 2018an ere irabazle atera eta gero. 1998az geroztik, Kamel Ziani atleta ohiak du lasterketako errekor absolutua: 45:13ko denborarekin gelditu zuen hark kronometroa. Emakumeen kategoriari dagokionez, berriz, Trihas Gebre korrikalariak du denborarik onena, 2010ean lortu zuena (49:06).

Donostiaz gozatzeko ibilbidea

Trazadura da 15K Salto Donostia Klasikoak duen erakargarriena. Madril Hiribidean hasten da, eta hiriburuko erdigunean zehar jarraitzen dute korrikalariek; Gros eta Antiguo auzoetatik igarotzen dira, eta Anoetako estadio txikian amaitzen dute lasterketa. Ibilbide azkarra, laua eta homologatua da.

Errespetu eta inklusibitate sozialeko balioak indartzen dituen lasterketa da, horixe da duen ezaugarri nagusia, baita herritarren artean sortzen den giro paregabea ere. Goizean goizetik nabari izaten da festa-giroa; trafikorako itxi egiten da zirkuitua, eta herritarrek betetzen dituzte kaleak, parte-hartzaileak animatzeko.

Alderdi solidarioa

15K Salto Klasikoa kirol-ekitaldi bat baino askoz gehiago da. Guztiek haien lekua aurkitzen duten hitzordua da. Duen alderdi solidario eta inklusiboari esker, balioak transmititzen dituen ekimen gisa ikusten dute parte-hartzaileek, kirolaren bitartez errealitate sozial ezberdinak bistaratzen dituen ekimen gisa. Horregatik, SALTO Systems segurtasun-enpresak lasterketaren kolaboratzaile leiala izaten jarraitzen du, eta berretsi egin du 15K Salto Donostia Klasikoaren aldeko bere apustua.

Ekainaren 30etik aurrera, webgunean egongo dira eskuragarri bi distantzietako edozeinetan izena emateko inprimakiak. 5 kilometroko lasterketak, gainera, badu osagai solidarioa. Izan ere, izen-emate bakoitzeko euro bana bideratuko zaio Irungo Harrera Sarea ongintzazko elkarteari; Frantziara igaro baino lehen Irunera iristen diren iragaitzazko migratzaile guztiei egiten die harrera eta arreta eskaini elkarte horrek.

Azken albisteak

15K Salto Donostia Klasikoak 25. urteurrena ospatuko du, eta ekainaren 30ean zabalduko da izena emateko epea

25 urte beteko ditu herri-atletismoaren festa handiak, eta mugikortasun urriko korrikalari, roller eta atletak ekarriko ditu, kirola baino harago doan ekitaldi batean. Ibilbide azkarra du Donostia hiriko erdigunean, eta horixe da parte-hartzaileak gehien erakartzen dituzten ezaugarrietako bat. Datorren urriaren 16an egingo du berriro bat bere publikoarekin Salto 15K Donostia Klasikoak, Donostiako lasterketa enblematiko eta ezagunenetakoak, […]

Irakurri gehiago

DONOSTIA MARATOIA, MARTXAN

Azaroaren 28an jokatuko da maratoiaren 43. edizioa, eta ukitu berriak izango ditu, berritasun ugarirekin eta RPM-MKTGren eta Donosti Eventosen kudeaketarekin.  Korrikalariek dagoeneko badute lasterketan izena emateko aukera, www.zurichmaratonsansebastian.com webgunean  Datorren azaroaren 28an jokatuko da Donostiako Zurich Maratoia; indarrez eta ilusioz beteta datorkigu, gainera.Espainiako bigarren maratoi zaharrenak eutsi egiten dio bere ohiko datari, eta azaroko azkeneko […]

Irakurri gehiago

Main Sponsor

Institutional Partner

  • diputacion-foral

Main Partner

  • el-diario-vasco-ssm

Official partner

  • fortuna-15kss
  • finisher