Salto15K prestatzeko Emakumeok Mugimenduan programaren doako entrenamenduen laugarren edizioa

Gipuzkoako Foru Aldundiko kirol departamentuko Emakumeok Mugimenduan jarduera programaren eskutik, laugarren urtez jarraian jarraipena emango diegu Susana Ruiz atleta eta entrenatzaile gipuzkoarrak SALTO 15K-ri zuzendutako prestaketa entrenamenduei.

Azken hiru edizioen artean, 700 emakumek baino gehiagok parte hartu zuten antolatutako entrenamenduetan, eta batez beste 95 emakume baino gehiagoko talde egonkorra izan zuten entrenamendu bakoitzean. Susana Ruizen 4 hilabeteko entrenamenduari amaiera emateko, programa honetako 62 emakumek dortsala janzteko gonbidapena jaso zuten aurreko edizioan, eta 15 edo 5 kilometroko ibilbidea osatu zuten, batzuk lehen aldiz.

Emakumezkoen kirol jarduera areagotzeko asmoz, SALTO 15K -ak bat egiten du Gipuzkoako Foru Aldundiko Kirol Departamentuak (Emakumeak eta Aktiboak) sustatutako ekimen programarekin, eta entrenamendu talde batek zure marka hobetzera, zure erronkak gainditzera, dortsal bat lehen aldiz jartzera eta Anoetako Miniestadioaren helmuga zeharkatzen laguntzera eramango zaitu.

Eman izena orain doan urriaren 25an egingo den proba prestatzeko hilero egingo ditugun entrenamenduetan. Programan parte hartzen dutenek, Susana Ruiz entrenatzailearen entrenamendu planaz eta aholkuez gozatzeaz gain, beste opari batzuen artean, SALTO 15K Donostiako Klasikoan parte hartzeko doako dortsal bat* izango dute.

Dagoeneko izena eman dezakezu uda aurretik Donostian egingo ditugun lehen bost entrenamenduetan (Anoeta Estadio Txikia).

Topalekua Anoetako Belodromoko ate nagusian izango da. Entrenamendu guztiak ostiraletan izango dira, 19:00etatik aurrera.

* Doako dortsal pertsonala eta besterenezina, 15 edo 5 Km-ko Running distantzian gutxienez entrenamenduen % 50 egin duten emakumeentzat.