2023ko urriaren 22a

14 de May de 2024

Dagoeneko zabalik dago 15K Salto Donostia Klasikoaren 27 ediziorako izena emateko aukera

● Urriaren 27an jokatuko da berriro Donostian korrikalariak, rollerrak eta mugikortasun urriko atletak batzen dituen lasterketa bakarra, kiroletik askoz harago doan ekimen honetan.
● Ibilbidea erdigunean egotea eta azkarra izatea da lasterketa honetan parte hartzeko erakargarririk handienetakoa; gainera, Behobia-Donostia eta Donostiako Zurich Maratoia prestatzeko test ezin hobea da.

Datorren urriaren 27an itzuliko da guztiontzako kirol-jaia Donostiara. Asteazken honetan irekiko da 15K Salto Donostia Klasikoaren 27. ediziorako izena emateko epea, Donostiako egutegiko atletismo-hitzordurik ezagunenetakoa, test ezin hobea baita Behobia-Donostia lasterketa (azaroaren 10ean) edo Donostiako Zurich Maratoiaren (azaroaren 24an) edozein distantzia prestatzeko test perfektua, duen ibilbide azkar, erdiguneko eta homologatuari esker.

Madril Hiribidean hasi, Gipuzkoako hiriburuko erdigunetik eta Gros eta Antiguo auzoetatik igaroko da berriro, eta Anoetako Estadio txikian amaitu. 15K Salto Donostiako Klasikoan parte hartzen duten korrikalariek herritarrek zein lagunek hiriko kale nagusietan zein Estadio txikian sortuko duten jai-giro paregabeaz gozatu ahal izango dute. Azkeneko urteetan, maila handiko atletak ikusi ditugu helmugak besoak altxatzen, hala nola Iraitz Arrospide, Chakib Lachgar, Ane Zabala, Elena Silvestre eta Ana Villasante; nazioartean aintzatespen handia duten rollerrak ere ikusi ditugu, Patxi Peula eta Aura Quintana kasu, bai eta Jon Galarraga handbiker nekaezina ere.

Urtetik urtera, milaka partaide elkartzen da kirol hutsetik haratago doan ekitaldi honetan; gogora ekarri behar dugu bi distantzia dituela lasterketak: 15K handbiker, roller eta mugikortasun murriztuko atletentzako, eta 5K korrikalarientzako bakarrik. Plan ideala da kirola egin bitartean Gipuzkoako hiriburuko lekurik ikonikoenez gozatu nahi dutenentzako zein beste kirol-erronka batzuetarako haien entrenamendua osatu nahi duten atletentzako, ibilbide benetan azkar batean haien markarik onena egitea edo lehenengo aldiz dortsala jarrita erronka berriei aurre egin nahi dietenentzako.
Inklusioa eta kirola, kausa solidario baten alde batuta
15K Salto Donostia Klasikoaren ezaugarri nagusienetako bat da kirolaren bitartez gizarteratzea bultzatzen duen lasterketa dela. Era guztietako atletekin partekatzen dituzte asfaltoa eta kilometroak aniztasun funtzionala duten partaideek. Real Sociedad Genuine, Kemen, Gautena, ONCE eta beste elkarte batzuek ez dute hitzordu honetara hutsik egiten, korrika eginez edo antolatzaileekin kolaboratuz. Izen-emateko bakoitzeko euro bana bideratuko da, gainera, ongintzazko kausa batera. Aurten, Salto Fundazioari emango zaio biltzen den diru hori. Horrexegatik jarraitzen du SALTO Systemsek zintzo kolaboratzen, eta aurten ere ekimenaren aldeko apustua egin du.

Asteazken honetatik aurrera egongo da 15K Salto Donostia Klasikoaren 2024ko ediziora izena emateko aukera, https://15ksansebastian.com/ webgunean. Edizio honetako berritasun modura, promoziozko prezioa egongo da lehenengo 200 dortsalen erosleentzako.

Azken albisteak

Dagoeneko zabalik dago 15K Salto Donostia Klasikoaren 27 ediziorako izena emateko aukera

● Urriaren 27an jokatuko da berriro Donostian korrikalariak, rollerrak eta mugikortasun urriko atletak batzen dituen lasterketa bakarra, kiroletik askoz harago doan ekimen honetan.● Ibilbidea erdigunean egotea eta azkarra izatea da lasterketa honetan parte hartzeko erakargarririk handienetakoa; gainera, Behobia-Donostia eta Donostiako Zurich Maratoia prestatzeko test ezin hobea da. Datorren urriaren 27an itzuliko da guztiontzako kirol-jaia Donostiara. […]

Irakurri gehiago

Bueltan daude SALTO 15K Klasikoa prestatzeko Emakumeok Mugimenduan doako entrenamenduak

Saioak aurreko edizioan izandako arrakastaren ondoren, Susana Ruiz atleta eta entrenatzaile gipuzkoarraren eskutik itzultzen dira SALTO 15K Donostia-San Sebastian Klasikoa prestatzeko entrenamenduak. Ekimen hau Gipuzkoako Foru Aldundiko kirol departamentuko Emakumeok Mugimenduan, Emakumeak eta Aktiboak, jarduera programaren barruan dago. Iaz, 100 emakumek baino gehiagok parte hartu zuten antolatutako entrenamenduetan, eta 30 emakumetik gora talde egonkorra izan […]

Irakurri gehiago

Iraitz Arrospide eta Ana Zabala gailendu dira Donostiako Salto 15K Klasikoaren 26. edizioko helmugan

Iraitz Arrospide gipuzkoarra eta Zabala irundarra izan dira probako distantzia nagusian, eta Patxi Peula eta Aura Quintana igo dira podiumaren gorenera rollerren modalitatean, Ion Galarraga hanbike lasterketan, eta Ander Garinek eta Sara Agirrek irabazi dute 5K proba laburra. Egun zoragarria izan da Donostiako Salto 15K Klasikoaren 26. edizioa jokatzeko. 2.500 parte-hartzailek gozatu dute hiru modalitatetan […]

Irakurri gehiago

Main Sponsor

Institutional Partner

  • diputacion-foral

Main Partner

Official partner

  • BSK
  • fortuna-15kss

Official Supplier