Gaur irekiko da 15K Salto Donostia Klasikoaren 26. ediziorako izena emateko epea 

● Urriaren 22an jokatuko da berriro Donostian korrikalariak, rollerrak eta mugikortasun urriko atletak batzen dituen lasterketa bakarra, kirolaz harago doan ekimen honetan
● Ibilbide azkarra du Donostia hiriko erdigunean, eta horixe da parte-hartzaileak gehien erakartzen dituzten ezaugarrietako bat herri-atletismoaren jai handi honetan

Donostiako Salto 15K Klasikoaren 26. edizioak maiatzaren 16an ireki zituen bere inskripzioak. Urriaren 22an itzuliko zaigu herri-atletismoaren Donostiako hitzordurik enblematiko eta inklusiboenetako bat, urtez urte milaka korrikalari, roller eta mugikortasun urriko atleta batzen dituen, kirolaz harago doan ekimen batean.

Bi distantzia daude aukera, 15 kilometroko ibilbide klasikoa, eta 5 kilometroko zirkuitu murriztua; azkarra eta hiri barrukoa da lasterketaren ibilbidea, Donostiako hirigunean zehar. Kirola egin bitartean, Gipuzkoako hiriburuko lekurik ikonikoenez gozatu nahi dutenentzako plan ideala, baita udazkeneko denboraldiko Donostiako beste bi erronka handietarako prestatu nahi duten atletentzako ere.

Donosti Eventosek eta RPM SPORTSek antolatu dituzte azkeneko bi edizioak eta, hirugarren urtez jarraian, herri-atletismoaren jai inklusibo honetan gero eta parte-hartzaile gehiago lortzea nahi dute. Ildo horretan, 15K Salto Donostia Klasikoaren zuzendari Iñigo Olaizolak zera adierazi du: “25. urteurreneko arrakastaren ondoren, ilusio handiz eta 3.000 parte-hartzaileko kopurua gainditzeko helburuz heldu diogu edizio honi. Astebetez atzeratu dugu lasterketa, Behobia-Donostia lasterketara are gehiago hurbiltzeko, izan ere, badakigu gure lasterketa proba horretarako azkeneko testa dela parte-hartzaile askorentzako”.

Klasikoa: Kirol-tradizioa, turismoa eta inklusioa 
Bi hamarraldi eta erdiko ibilbideak urrirako prestigiodun kirol-erronka gisa abalatzen du 15K Salto Donostia Klasikoa. 26. edizio honetan, tradizionalena izaten jarraitzen du Klasikoak, eta Behobia-Donostia lasterketan (azaroaren 12an) eta Donostiako Zurich Maratoian (azaroaren 26an) parte hartuko dutenek haien egoera fisikoa neurtzeko aukerarik onena.

Halaber, gogorarazi behar da, 2022an, 15K distantziako garaipen gehien lortu duen atleta bihurtu zela Elena Silvestre (54:29), eta Chakib Lachgarrek (46:09), sasoi betean, lehen aldiz irabazi zuela lasterketa hau, 2019an Behobia-Donostia irabazi ondoren.

Bestalde, ibilbidea bera da 15K Salto Donostia Klasikoaren beste erakargarri handienetako bat. Madril Hiribidean hasten da, Gipuzkoako hiriburuko erdigunean zehar, Grosen eta Antiguon jarraitzen du, eta Anoetako estadio txikian amaitzen da; trafikoari ixten zaion ibilbide azkar, lau eta homologatuaz gozatu ahal izaten dute parte-hartzaileek. Eguneko lehen orduetatik, jai-giroa eta korrikalariak animatzen dituzten herritarrak nagusitzen dira Donostiako kale nagusiez.

Errespetua eta inklusibitate soziala bultzatzeagatik gailendu den ekitaldia da eta, gainera, eginkizun solidario garrantzitsua betetzen du: 5 kilometroko lasterketan parte hartzeagatik ordaintzen denaren kuota bakoitzeko euro bana bideratuko da Irungo Harrera Sarea elkartera. Frantziara igaro baino lehen Irunera iristen diren migratzaile guztiak hartzen ditu eta arreta ematen die elkarte horrek. Horregatik eta beste arrazoi askorengatik, SALTO Systems segurtasun-enpresak lasterketaren kolaboratzaile leiala izaten jarraitzen du, eta berretsi egin du 15K Salto Donostia Klasikoaren aldeko bere apustua.

Emakumeok Mugimenduan ekimena estreinatuko da
Emakumeen kirol-jarduna sustatzeko helburuz, 15K Salto Donostia Klasikoaren 26. Edizioak bat egingo du Gipuzkoako Foru Aldundiko Kirol Departamentuak sustatutako Emakumeok Mugimenduan jarduera-programarekin. Eta hileroko entrenamendu-talde bat osatuko du horretarako (doakoa), parte-hartzaileei Anoetako estadio txikiko helmuga zeharka dezaten lagunduko diena, Susana Ruiz atleta eta tituludun entrenatzaile gipuzkoarraren eskutik.

Programa horretan parte hartzen dutenek, gainera, Ruizen entrenamendu-planak eta aholkuak jasotzeaz gain, 15K Salto Donostia Klasikoaren 26. Edizioan, aukeratu duten distantzian (5 edo 15 km) parte hartzeko dortsala doan jaso ahal izango dute opari, besteak beste (besterenezina), baldin eta gutxienez programaren % 50 osatzen badute.

Ekimen honetan izena emateko aukera ere badago, bai Donostian (Mini Anoeta Estadioa, maiatzak 12) bai Tolosan (Berazubi, maiatzak 26). Entrenamendu guztiak ostiraletan izango dira 18: 30etatik aurrera. Maiatzean ireki da ekaineko eta uztaileko entrenamenduetarako formularioa eta, uda ostean, irailean eta urrian irekiko dira.