2023ko urriaren 22a

23 de October de 2023

Iraitz Arrospide eta Ana Zabala gailendu dira Donostiako Salto 15K Klasikoaren 26. edizioko helmugan

Iraitz Arrospide gipuzkoarra eta Zabala irundarra izan dira probako distantzia nagusian, eta Patxi Peula eta Aura Quintana igo dira podiumaren gorenera rollerren modalitatean, Ion Galarraga hanbike lasterketan, eta Ander Garinek eta Sara Agirrek irabazi dute 5K proba laburra.

Egun zoragarria izan da Donostiako Salto 15K Klasikoaren 26. edizioa jokatzeko. 2.500 parte-hartzailek gozatu dute hiru modalitatetan eta bi distantziatan, berdintasuna, gizarteratzea, jasangarritasuna eta elkartasuna sustatzen dituen kirol-ekitaldi honetan. Kirola egiteko eguraldi ezin hobeak (lainoak eta 20 graduz azpiko tenperatura) eta Donostiako kaleetan bizi izan den giro bikainak borobildu dute gaur goizean Gipuzkoako kirolaren jai hau. Korrikalariek, patinatzaileek eta kirolariek, kirolaren bitartez gizartean inklusibitatea sustatzeko ospatzen duten hitzordua.

09:45ean hasi da lasterketa, korrikalarientzako 5K distantziako probaren irteerarekin. 286 parte-hartzaile izan ditu proba laburrak, emakume askoren parte-hartzearekin (% 43,35), eta bigarren urtez jarraian etorri zaizkigun aparteko protagonistekin: Real Sociedadeko Genuine Ligako jokalariak. Ander Garin gailendu da helmugan gizonezkoen kategorian (14’55’’) –iazko irabazlearen denbora hobetuz–, Joseba Olaetxea izan da bigarrena (15’00’’) eta Iñigo Beldarrain (15’09’’) hirugarrena; emakumeen kategorian, berriz, hauxe izan da sailkapena: Sara Agirre (20’44’’), Sofie Baken (21’03’’) eta Elena Beristain (21’19’’).

Hamabost minutu geroago, 10:00etan, iritsi da 260 patinatzaileen txanda, eta aurten ere ikusgarritasuna eman diote 15K lasterketaren irteerari. Ez du hutsik egin faboritoak: Patxi Peula munduko txapelduna gailendu da (25’10’’) bigarren urtez jarraian, eta bakar-bakarrik iritsi da helmugara. Haren atzetik, 44 segundotara, Aitor Vacas (25’54’’) sartu da helmugan, iaz hirugarren gelditu zena eta, beraz, posizio bat irabazi duena, eta Nicolas Alonsok (25’59’’) osatu du gizonezko kategoriako podiuma. Emakumeen kategorian, bestalde, Aura Quintana (27’18’’) izan da irabazlea; horrela, txapela kendu dio Idoia Martínez de la Fuente azkeneko bi edizioetan proba irabazi zuen kirolariari. Aurten bigarren postuan iritsi da Martínez de la Fuente (27’26’’), eta hirugarrenean Amale Mugika (27’50’’).

10:10ean, berriz, mugikortasun urria duten atleten txanda iritsi da; sei lagunek hartu du parte aurten 15K lasterketa honetan. Ez da aparteko ezustekorik egon, eta Ion Galarraga izan da (31’14’’) helmuga zeharkatzen lehenengoa, proba honetako bere garaipen-sorta gizentzen jarraituz; Alonso López (45’36’’) izan da gurpildun aulkian parte hartu duen bakarra. Biek ireki eta itxi dute modalitate honen helmuga Anoetako estadio txikian.

Azkenik, 10:15ean iritsi da eguneko lasterketa nagusia: ordu horretan abiatu dira Donostiako Salto 15K Klasikoko korrikalariak. Lasterketa horretan hartu dute parte korrikalari gehienek, bederatzi nazionalitatetako 1.979 lagunek, eta Donostiako kale nagusienetan zehar aritu dira, lasterketa azkar eta zirraragarri batean.

Gizonezkoen kategorian, Iraitz Arrospide (45’48’’) gailendu da, iaz lasterketa hau eta 2019an Behobia-Donostia irabazi zuen Chakib Lachgar atletaren denbora 19 segundotan hobetuz. Haren atzetik iritsi da helmugara Joseba Díaz (46’14’’); horrenbestez, bigarren urtez jarraian helmugaratu da bigarren postuan eta minutu erdi baino gehiagoan hobetu du bere aurreko denbora. Eta Kevin Martins izan da hirugarrena (46’30’’). Emakumeen kategorian, berriz, Ane Zabala (56’13’’) izan da azkarrena, Sara Villasante de la Fuenterekin batera (56’13’’), segundo-milaren gutxi batzuk atera dizkio, eta Maria Navascuesek (58’10’’) osatu du podiuma.

Azken albisteak

Dagoeneko zabalik dago 15K Salto Donostia Klasikoaren 27 ediziorako izena emateko aukera

● Urriaren 27an jokatuko da berriro Donostian korrikalariak, rollerrak eta mugikortasun urriko atletak batzen dituen lasterketa bakarra, kiroletik askoz harago doan ekimen honetan.● Ibilbidea erdigunean egotea eta azkarra izatea da lasterketa honetan parte hartzeko erakargarririk handienetakoa; gainera, Behobia-Donostia eta Donostiako Zurich Maratoia prestatzeko test ezin hobea da. Datorren urriaren 27an itzuliko da guztiontzako kirol-jaia Donostiara. […]

Irakurri gehiago

Bueltan daude SALTO 15K Klasikoa prestatzeko Emakumeok Mugimenduan doako entrenamenduak

Saioak aurreko edizioan izandako arrakastaren ondoren, Susana Ruiz atleta eta entrenatzaile gipuzkoarraren eskutik itzultzen dira SALTO 15K Donostia-San Sebastian Klasikoa prestatzeko entrenamenduak. Ekimen hau Gipuzkoako Foru Aldundiko kirol departamentuko Emakumeok Mugimenduan, Emakumeak eta Aktiboak, jarduera programaren barruan dago. Iaz, 100 emakumek baino gehiagok parte hartu zuten antolatutako entrenamenduetan, eta 30 emakumetik gora talde egonkorra izan […]

Irakurri gehiago

Iraitz Arrospide eta Ana Zabala gailendu dira Donostiako Salto 15K Klasikoaren 26. edizioko helmugan

Iraitz Arrospide gipuzkoarra eta Zabala irundarra izan dira probako distantzia nagusian, eta Patxi Peula eta Aura Quintana igo dira podiumaren gorenera rollerren modalitatean, Ion Galarraga hanbike lasterketan, eta Ander Garinek eta Sara Agirrek irabazi dute 5K proba laburra. Egun zoragarria izan da Donostiako Salto 15K Klasikoaren 26. edizioa jokatzeko. 2.500 parte-hartzailek gozatu dute hiru modalitatetan […]

Irakurri gehiago

Main Sponsor

Institutional Partner

  • diputacion-foral

Main Partner

Official partner

  • BSK
  • fortuna-15kss

Official Supplier