16 de octubre de 2022

15 de September de 2022

Zure modalitatearen arabera, Donostiako 15K Salto Klasikorako aholkuak

Aniztasuna da Donostiako 15K Salto Klasikoaren ezaugarri nagusia.Eta horren eta lasterketaren izpiritu inklusiboaren erakusgarri da –5 kilometroko distantzia ere izateaz gain– 15 kilometroez gozatzeko hiru modalitate izatea:korrika, patineteak eta handbike-ak.Horregatik, hilabete pasatxo falta den honetan, diziplina bakoitzerako baditugu oinarrizko zenbait aholku, hasieratik helmugara iritsi arte, urriaren 16an lasterketaz goza dezazun.

Korrika

Atletismoan, 15 kilometroko distantzia iraupen ertainekoa da, baina zorrotza, 10 edo 5 kilometrokoa baino teknikoagoa.Erresistentzia eta indar muskular handiagoa behar da, distantzia luzeko lasterketen antzekoagoa baita.Korrikalarien helburuak anitzak diren arren –kirol-ekitaldi hau bera bezala–, badaude funtsezko premisa batzuk, maila guztiei aplikatzeko modukoak direnak:

-Lasterketa baino lehen behar adina atseden hartzea, eta lasterketa aurreko hilabetean elikadura eta hidratazioa zaintzea.Errutina ahalik eta zorrotzena izatea, eta lasterketa lehenestea.

-Kardioa lantzea, muskuluez ahaztu gabe, bai eta egun handirako oinetakorik egoki eta erosoenak aurkitzea ere.Oinetako berriak erosteko asmoa izanez gero, gutxienez hilabete lehenago erostea komeni da, aurretik probatzeko, edo lasterketa ondorenerako utz dezakegu erosketa.

-Gure buruan 15 kilometroak hiru zatitan banatzea, eta hasierako ilusioa kontrolatzea, gainerako kilometro guztietan sufritu ez dezagun.Lehenengo 5 kilometroetan, hobe da indarrak gordetzea, erritmo ertainean korrika eginda; 10. kilometrora iristerako azelera dezakegu dagoeneko erritmoa, eta gure denborarik onenera hurbiltzen saiatuko gara 5.000 metro baino falta ez zaizkigunean.Orduan, azkeneko tarte horretan dugun guztia emango dugu, batez ere marka pertsonala lortzea nahi badugu.

Handbikea

Modalitate hori egiten duten pertsonek mugikortasuna mugatzen dieten desgaitasunen bat izaten duten arren, txirrindulari profesionalek ere esaten dute ez dagoela bizikleta konbentzionalarekiko horrenbesteko alderik, tresnaren materiala berbera baita.Gainera, diziplina horren moldakortasunari esker, zangoak eta besoak lantzeko edozein espaziotan entrena daiteke; ez da beharrezkoa saio guztietan handbike-arekin entrenatzera irtetea:

Donostiako 15K Salto Klasikoa baino lehenagoko entrenamenduetan, egokiena da errepideko saioak eta igerileku eta gimnasiokoak konbinatzea.Handbike-eko postura erlaxatua eta ergonomikoa da, beraz, sasoi fisiko onean baldin bazaude, zaila da postura-arazoak izatea.

-Oso garrantzitsua da handbike batekin egiteko entrenamendu-ibilbidea ondo aukeratzea.Egokiena da zure hiriko edo probintziako txirrindularitza-diziplina horretako elkarteekin taldean irtetea, eta irteerarako xehetasun guztiak ondo planifikatzea.

-Handbike-ean ibiltzen ohituta eta sasoi fisiko onean baldin bazaude, leku zorrotzagoak aukera ditzakezu, desnibel positibo zein negatibo handiagoko ibilbideak, zure burua gogorrago entrenatu eta zure denbora hobetzen saia zaitezen.

Roller-ak

Iraupen-patinajean aldagai ugarik du eragina, hala nola indarrak, abiadurak eta potentziak.Baina, zalantzarik gabe, teknika da garrantzitsuena.Ibilbidearen tarte bakoitzean (zuzenguneak, bihurguneak eta desnibelak) posizio ona izatea erabakigarria da erritmoa eta denbora konpentsatzeko.

-Diziplina honetan ezinbestekoa da ekipamendu egokia eta baldintza onetan dagoena erabiltzea:maratoi erdirako patin egokiak, beharrezko doikuntzak eginda. Eskain iezaiezu denbora lasterketa baino lehen.Fitnesseko edo lasterketako patinak egokiak dira, baina ez itzazu erabili hockeyrako patinak, ez baitaude distantzia luzeetarako prestatuta. Erabil itzazu gutxienez 76mm eta 80Ako gurpilak.15 kilometroko ibilbide honek bihurgune ugari du, beraz, gurpil gogorragoak erabil ditzakezu, azkarrago joateko eta estropezuak saihesteko.Bestalde, txirrindularitzako arropa da aukerarik egokiena, abiadura handiko patinajean txirrindularitzan bezala sufritzen baita; arreta berezia eskaini behar zaio lepoa berogarri batekin babesteari, haize asko irensten baita. Ezinbestekoa da kaskoa eta patinatzaile bakoitzak erabakitzen dituen gainerako babesgarriak eramatea, kaltegarria izan baitaiteke gutxiegi zein gehiegi babestuta joatea.Azkenik, patinak estutzeko Allen giltza bat (hexagonala) eramatea oso ideia ona da, distantzia luzeetan sor daitezkeen ustekabeak saihesteko.

– Teknika ona izateko, oso komenigarria da eskuak atzean eramatea, mokorren gainean elkarri helduta.Horrela, besoen pisua mokorren gain gelditzen da eta ez bizkarraren gain, eta modu erlaxatuagoan eta posizio horretan luzaroago patinatu ahal izango dugu.Xehetasun hutsala dirudi, baina benetan laguntzen du, errodajea erosoagoa izan dadin.

-Mugimenduen maiztasunari dagokionez, ez da zuzena pentsatzea aurrera gehiago egiteko urratsak sarriago egin behar direla.Kontua ez da mugimendu asko egitea, horiek ondo egitea baizik.Egiatan, gaizki egindako urrats askorekin, lortuko dugun bakarra izango da alferrikako energia-galera eta ez dugu aurrera gehiago egingo.Hortxe hartzen dute garrantzia aurretiazko indar-, potentzia- eta erresistentzia-entrenamenduek eta kirolariaren sasoi fisikoak, baina hori baliagarria izan dadin, beharrezkoa da mugimendu egokiak egitea.

Azken albisteak

Donostiako Salto 15K Klasikoaren 25. urteurrena bere historiako ekimen solidarioenarekin ospatuko du

Salto Systems eta Laboral Kutxak Amigos Solidarios GKEari 15K eta 5K lasterketetan izena emateagatik emango duten dohaintza ez ezik, antolakuntzak Behobia Donostiarekin akordio bat sinatu du, bere erbiak 15K-ean ibil daitezen. 25. edizioan, inoiz baino solidarioagoa da Donostia Salto 15K klasikoa. Datorren urriaren 16an, atletak Euskadiko lasterketarik inklusiboenean parte hartuko dute Donostiako kaleetan zehar, eta […]

Irakurri gehiago

Nola zaindu elikadura Donostiako 15K Salto Klasikoa bezalako lasterketa baten aurretik eta ondoren

Baldintza onetan gozatu eta amaitu nahi den lasterketa orotarako bezala, beharrezkoa da Donostiako 15K Salto Klasikorako ondo prestatzea, fisikoki zein psikologikoki, baina baita nutrizioari dagokionez ere.Hau bezalako ibilbide luzeko lasterketa batean, idealena da lasterketa baino gutxienez hilabete eta erdi lehenago egokitzea dieta, atsedena eta hidratazioa gure erronkara edo helburura. Lehenik eta behin, dagoeneko badakigunean 15K […]

Irakurri gehiago

Zure modalitatearen arabera, Donostiako 15K Salto Klasikorako aholkuak

Aniztasuna da Donostiako 15K Salto Klasikoaren ezaugarri nagusia.Eta horren eta lasterketaren izpiritu inklusiboaren erakusgarri da –5 kilometroko distantzia ere izateaz gain– 15 kilometroez gozatzeko hiru modalitate izatea:korrika, patineteak eta handbike-ak.Horregatik, hilabete pasatxo falta den honetan, diziplina bakoitzerako baditugu oinarrizko zenbait aholku, hasieratik helmugara iritsi arte, urriaren 16an lasterketaz goza dezazun. Korrika Atletismoan, 15 kilometroko distantzia […]

Irakurri gehiago

Main Sponsor

Institutional Partner

  • diputacion-foral

Main Partner

  • laboral_kutxa_color

Official partner

  • fortuna-15kss
  • BSK