2025eko Salto 15K DSS lasterketak 3.000 lagunek baino gehiagok eman dute izena!

Lasterketarako hilabete eskas falta dela, plazen %75 bete da dagoeneko, eta emakumeen parte-hartzea hazi egin da.

Urriaren 26an, igandean, ospatuko den Salto 15K DSS lasterketaren 28. edizioak 3.000 izen-emate baino gehiago izan ditu, kirol egutegian probak izan duen harrera ona berretsiz.

Gaur egun, 2.700 parte-hartzaile erregistratu dira 15K distantzian eta 350 5K distantzian. Aurreko edizioetan bezala, korrikalariek, rollerrek eta mugikortasun murriztua duten atletek parte hartu ahal izango dute, mota guztietako kirolarien parte-hartzea bultzatuz.

Emakumeen presentziak gora egiten jarraitzen du. 5K-n, izena emandako guztien %62 ekamumeak dira, eta bi distantzien artean, %50era hurbiltzen da zifra.

Antolatzaileek gogorarazi dute izen-emateak zabalik jarraitzen duela urriaren 12a arte.